Жаныңда жүр жақсы адам
Рухани жаңғыру бағдарламасы аясында мектебімізде "Жаныңда жүр жақсы адам" тақырыбында кездесу кеші ұйымдастырылды. Кездесуге қазақ киносының алтын қорынан ойып тұрып орын алған "Тақиялы періште" кинофильміндегі Тайлақтың рөлін сомдаған актер
Әлімғазы Сұмағұлұлы Райымбеков (1936 жылы 1 желтоқсанда Алматы облысында туған) шақырылған болатын. Кездесу барысында Әлімғазы ата болашақ ұрпаққа тәлім боларлық әңгімелерімен бөлісті. Оқушылардың қызыға қойған сұрақтарына жалықпастан жауап берді. Бұл кеш мектеп оқушыларына да, ұстаздарына да, ата- аналарға да ерекше әсер қалдырды.
Ол кісі Қазақстан Республикасының Мәдениет Қайраткері; Алматы облысының Құрметті азаматы;
ҚР Мәдениет министрлігінің "Мәдениет қайраткер" құрметті атағымен марапатталған;
2005 жылы "Ұлы отан соғысына 60 жыл" медалі;
2010 жылы "Ұлы отан соғысына 65 жыл" медалі;
2015 жылы "Ұлы отан соғысына 70 жыл" медалі;
2015 жылы "Қазақ хандығына 550 жыл" мерекелік медалі;
2016 жылы "Қазақстан Республикасының тәуелсіздігіне 25 жыл" медалі;
Алматы облысының Құрметті азаматы;
Көксу ауданының құрметті азаматы;
ҚР президентінің және облыс әкімдерінің құрмет грамоталарымен марапатталған;
2016 жылы ҚР Мәдениет және спорт министрлігінің құрмет грамотасымен марапатталған.
