«Оқушылар, мұғалімдер мен техникалық қызметкерлердің жер сілкіну кезіндегі іс-әрекеті» тақырыбының аясында сейсмикалық жаттығу өткізілді.

Бүгін мектебімізде сағат 12:30-да сейсмикалық жаттығуды сапалы  дайындықпен өткізу мақсатында азаматтық қорғаныс  басқармасының 2024 жылға  арналған жоспарына сәйкес  «Оқушылар, мұғалімдер мен  техникалық қызметкерлердің жер сілкіну кезіндегі іс-әрекеті» тақырыбының аясында сейсмикалық жаттығу өткізілді.Құтқару тобы, санитарлық пост,өрт сөндіру звеносы,қоғамдық тәртіп сақтау звеносы,радиациялық-химиялық барлау посты құрамынан тұратын топ мүшелерінің жер сілкіну кезіндегі  басқару штабы құрылып, шартты белгі бойынша міндетті жұмыстарын атқарды.Пән мұғалімдері оқушыларды мектеп мекемесінен тыс жерге эвакуациялауды ұйымдастырып, (жалпы оқушылар саны,  мектептен  шыққан оқушылар мен жоқ оқушылар саны) жайлы нақты мәліметті берді.Сейсмикалық жаттығуларды ұйымдастыру кезіндегі алғашқы медициналық көмек көрсету міндетін мектеп медбикесі Ж.Абишева санитарлық пост мүшелерімен бірлесіп атқарды. Қабат бойынша қойылған кезекшілер экстремалды жағдайға байланысты іс-әрекеттер бойынша мектептің әскери басшысы Н.Д.Алибаев нұсқаулық кеңес жүргізді.