“Кәсіптік бағдар беру” туралы

Қазіргі таңда кәсіптік білім беру саласында  адамның табиғи ерекшеліктеріне сәйкес мыңдаған мамандықтар мен кәсіптерге дайындау кезек күттірмейтін талап.  Адам еңбек ету іс-әрекетіндебілім мен ептілікті игеру үшін кәсіптік білім беру қажет. Кәсіби білім – қандай да бір кәсіп аясында біліктілік қызметіне қажетті жүйелі білік, дағдыларды игеру процессі, құралы мен нәтижесі, және де сол кәсіби ортаға сай мінез-құлық ережелері мен нормаларды сақтауды қарастырады.
Бүгін мектебіміздің оқушыларына арналған “Кәсіптік бағдар беру” бойынша  түсіндірме жұмыстары жүргізілді. Кездесуге Алматы облысының Ішкі саясат басқармасының басшысы Керімбек Болат Бақбергенұлы бастаған Жетісу жастары келді. 
Кездесудің мақсаты: қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесу. Білім алу жолдарын түсіндіру. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.